Archive for February, 2010

..:: തളിരുകള്‍ ::..

ഇന്ന് കുറെ നാളുകള്‍ക്ക് ശേഷം നമ്മുടെ അരവിന്ദ്‌ മാഷിന്റെ മൊത്തം ചില്ലറ ഒന്നുടെ വായിച്ചു. അങ്ങനെ തമാശ ഒക്കെ വായിച്ചു ചിരിച്ചു ഇരിക്കുവാരുന്നു . ഒരു കീറാമുട്ടി പ്രശനം ആയി ഇരിക്കുവാരുന്നു ഹോ മൊത്തം ചില്ലറ വായിച്ചു കുറെ ചിരിച്ചു . പക്ഷെ ആ ചിരി അധിക നേരം നിന്നില്ല അപ്പോളേക്കും മനസ്സില്‍ ഇ മൊത്തം ചില്ലറ ആദ്യം കൊണ്ട് തന്ന എന്റെ കൂട്ടുകാരനെ ഓര്‍ത്തു പോയി ..

ഒത്തിരി നാളുകള്‍ക്ക് മുന്നേ ഒരു ദിവസം രാവിലെ തോമ വന്നു എന്നിട്ട് പറഞ്ഞു “കുരിയച്ചോ ഒരു കിടിലം സംഗതി കിട്ടി” ഒരുമാതിരി ബാച്ചികളുടെ സര്‍വ്വ അലമ്പും ഉണ്ടാരുന്നു ഞങ്ങളുടെ കയ്യില്‍ . ഞാന്‍ ഓര്‍ത്തു വല്ല ഇക്കിളി സീഡി അല്ല എങ്കില്‍ ഏതേലും തുണ്ടിന്റെ ലിങ്ക് , ഞാന്‍ പറഞ്ഞു അച്ചായോ രാവിലെ പോയെ വേറെ പണി ഉണ്ട് എന്ന് . അപ്പൊ തോമ പറഞ്ഞു അതല്ലടോ കോപ്പേ “ഒരു ബ്ലോഗ്‌ കിട്ടി” . ഒടുക്കത്തെ തമാശ ആണ് എന്ന് .. അങ്ങനെ ഞാന്‍ ആദ്യം ആയി ബ്ലോഗ്‌ എന്ന മാധ്യമം അറിഞ്ഞു …

അതിനു ശേഷം ഞാനും ബ്ലോഗ്‌ എഴുതാന്‍ തുടങ്ങി , കാര്യം ആയി ഒന്നും എഴുതിയില്ല എങ്കിലും ചുമ്മാ അങ്ങനെ ഒരു ബ്ലോഗര്‍ ആയി . അന്ന് ഞങ്ങള്‍ ഇരുന്നു മൊത്തം ചില്ലറ മൊത്തം വായിച്ചു , ചിരിച്ചു മരിച്ചു … അപ്പൊ നമ്മുടെ കൂട്ടുകാര്‍ക്കും അത് വായിക്കണം അവര്‍ക്ക് ഓഫീസില്‍ നെറ്റ് ഇല്ലാരുന്ന കൊണ്ട് തോമ പറഞ്ഞു നമ്മുക്ക് ഇത് pdf ആക്കി എടുക്കാം എന്ന് . അങ്ങനെ ഞങ്ങള്‍ ഒരു കുഞ്ഞു സ്ക്രിപ്റ്റ്‌ ഉണ്ടാക്കി അത് വെച്ച് മൊത്തം ചില്ലറ ഇങ്ങു pdf ആക്കി . ഞങ്ങള്‍ അരവിന്ദ്‌ ചേട്ടന് ഒരു മെയില്‍ അയച്ചു . ഞങ്ങള്‍ ഇത് കൂട്ടുകാര്‍ക്കു കൊടുത്തോട്ടെ എന്ന് ചോദിച്ചു , ആളു സന്തോഷം ആയി കൊടുത്തോ എന്നും പറഞ്ഞു മറുപടിയും തന്നു …

അങ്ങനെ ആ കാലം ഒകെ ഓര്‍ത്തു ഇരുന്നു .. തോമ ഇന്ന് ഞങ്ങളുടെ ആരുടേം കൂടെ ഇല്ല .. അവന്‍ എല്ലാരേം വിട്ടു അങ്ങ് പോക്കളഞ്ഞു , സ്വന്തം ഇഷ്ട്ടപ്രകാരം അവന്‍ ജീവിതം കളഞ്ഞിട്ടു പോയി . എന്തിനു എന്ന് ഇന്നും ആര്‍ക്കും അറിഞ്ഞുടാ .. അവന്‍ പാവം ആരുന്നു
പറഞ്ഞിട്ട് എന്ത് കാര്യം അവന്റെ ഒരു ബ്ലോഗില്‍ അവന്‍ ഒരു കൂട്ടുകാരന്‍ മരിച്ചതിന്റെ വിഷമം പോസ്റ്റ്‌ ആക്കി ഇട്ടു . അതരുന്നു അവന്റെ അവസാന പോസ്റ്റ്‌ … ബ്ലോഗിന്റെ പേര് പോലെ അത് തളിര് ആയി തന്നെ നില്‍ക്കുന്നു . അകെ ൨ പോസ്റ്റ്‌ മാത്രം ..

ഇടയ്ക്കു കുരിയച്ചോ എന്ന് വിളിച്ചു വരാന്‍ അവന്‍ ഇല്ല .. പോട്ടെ അവന്‍ പോയ സ്ഥലത്ത് അവനു സന്തോഷം കിട്ടട്ടെ എന്ന് പ്രാര്‍ഥിക്കുന്നു …